به‌شێك له‌ فه‌رمانبه‌رانى وه‌زاره‌تێك بۆ كه‌رتى تایبه‌ت ده‌گوازرێنه‌وه‌

وه‌زاره‌تى گواستنه‌وه‌ و گه‌یاندنى حكوومه‌تى هه‌رێمى كوردستان، سه‌رقاڵى ده‌ركردنى مه‌رج و رێنمایى ته‌نده‌رینى پێدانى پڕۆژه‌ى ئینته‌رنێتى بێ سنووره‌ به‌ كه‌رتى تایبه‌ت، هاوكات ژماره‌یه‌ك فه‌رمانبه‌ر و كارمه‌ندى وه‌زاره‌ته‌كه‌ش بۆ به‌ڕێوه‌بردنى پڕۆژه‌كه‌ ده‌گوازێته‌وه‌.

 ئومێد محه‌مه‌د، گوته‌بێژی وه‌زاره‌تی گواستنه‌وه‌ و گه‌یاندنی حكوومه‌تى هه‌رێمى كوردستان، له‌ لێدوانێكدا به‌ (باسنیوز) ى ڕاگه‌یاند :" له‌ ئێستادا وه‌زاره‌ته‌كه‌مان سه‌رقاڵى ده‌ركردنى رێنمایى و مه‌رجى ناو ته‌نده‌رینى پێدانى پڕۆژه‌ی تایبه‌ت به‌گه‌یاندنی خزمه‌تگوزاری ئینته‌رنێتی بێ سنووره‌ بۆ هاووڵاتیان ".

 گوتیشی :" مه‌رجێكى ته‌نده‌ره‌كه‌، كارى هاوبه‌شه‌ له‌ نێوان حكوومه‌ت و كه‌رتى تایبه‌ت بۆ به‌ڕێوه‌بردنى پڕۆژه‌كه‌، به‌وه‌ش ده‌بێت دواى وه‌گرتنى پڕۆژه‌كه‌، ژماره‌یه‌ك فه‌رمانبه‌ر و كارمه‌ندى وه‌زاره‌تى گواستنه‌وه‌ و گه‌یاندن بگوازرێنه‌وه‌ سه‌ر پڕۆژه‌كه‌، كه‌ مووچه‌كانیشیان له‌لان كۆمپانیاكه‌وه‌ به‌بێ پاشه‌كه‌وت پێده‌درێت و هه‌موو خزمه‌ت و پله‌یه‌كى حكوومیشیان بۆ هه‌ژمار ده‌كرێت".

 ئه‌وه‌شى خسته‌ڕوو، كه‌ بۆ گواستنه‌وه‌ى ئه‌و فه‌رمانبه‌رانه‌ش پێویستییان به‌ بڕیار و راوێژ ده‌بێت و به‌ دڵنیاییه‌وه‌ به‌هۆیه‌وه‌ بارگرانییه‌ك له‌سه‌ر حكوومه‌ت لاده‌چێت، به‌تایبه‌ت كه‌ ئێستا حكوومه‌ت فه‌رمانبه‌ر و كارمه‌ندێكى زۆرى هه‌یه‌ و به‌هۆى قه‌یرانى داراییشه‌وه‌،كێشه‌ له‌ دابینكردنى مووچه‌ درووست بووه‌.

-1°C

New York

Mostly Sunny

Humidity: 66%

Wind: 35.40 km/h

  • 16 Dec 2017 2°C -5°C
  • 17 Dec 2017 1°C -3°C