ئازاد جوندیانی بۆ قادر عەزیز: واباشترە ئاگاداری لێدوانەكانت بیت‌و پێ لەتەختی چروك نەنێیت

سەرچاوەیەكی رێگەپێدراو لەنوسینگەی ئازاد جوندیانی ئەندامی دەستلەكاركێشاوەی مەكتەبی سیاسی یەكێتی نیشتیمانی كوردستان وەڵامی لێدوانێكی قادر عەزیز ئەندامی مەكتەبی سیاسی یەكێتی دەداتەوە‌و رایدەگەیەنێت “واباشترە ئاگاداری لێدوانەكانت بیت‌و پێ لەتەختی چروك نەنێیت”.

سەرچاوەیەكی رێگەپێدراو لەنوسینگەی ئازاد جوندیانی ئەندامی دەستلەكاركێشاوەی مەكتەبی سیاسی یەكێتی نیشتیمانی كوردستان وەڵامی لێدوانێكی قادر عەزیز ئەندامی مەكتەبی سیاسی یەكێتی دەداتەوە كە لەچاوپێكەوتنێكیدا لەرۆژنامەی ئاوێنە كردبوی‌و “وتبوی جوندیانی چۆتە ناو حزبێكی تر”.
لەوەڵامەكەی نوسینگەی ئازاد جوندیانی بۆ قادر عەزیز هاتوە “واباشترە ئاگاداری لێدوانەكانت بیت‌و پێ لەتەختی چروك نەنێیت”.
هەروەها لەبەشێكی تری وەڵامەكەدا نوسینگەی ئازاد جوندیانی دەڵێ‌ “رەنگە كاك قادر عەزیزیش وەك هێندێكی تر بۆ پێگەی خۆی پێویستی بەوە بێت كە پڕوپاگەندەكانی هێندێ ناوەندی موخابەراتی بڵاو بكاتەوەو ریكلامی بۆ بكا”.

دەقی وەڵامەكەی نوسینگەی ئازاد جوندیانی بۆ قادر عەزیز:

سەرچاوەیەكی ڕێگەپێدراو لە نووسینگەی ئازاد جندیانی وەڵامی قادر عزیز ئەداتەوە…
قادر عەزیزی (ئەندامی مەكتەبی سیاسی یەكیەتی) لە دیدارێكیدا لەگەڵ رۆژنامەی ئاوێنەدا و لە وەڵامی پرسیارێكدا سەبارەت بە وازهێنانی لە یەكیەتی، وتوویەتی كە جندیانی چۆتە ناو حزبێكی تر. مەبەستی ئەو دەزگاو دامەزراوانەی دەنگۆی لەو جۆرە دروست ئەكەن و بڵاوی ئەكەنەوە ڕوونە كە ئامانجی سەرەكیان تەنیا ئەوەیە كە فۆكسی خەڵك و دیاركراوتریش یەكیەتیەكان لەسەر ئەسڵی ڕوداوەكە لابدەن، كە وازهێنان و دەق و ناوەرۆكی پەیامی وازهێنانەكەیەتی بۆ ئەوەی ئەو خاڵانەی لە وازهێنانەكەیدا ئاماژەی پێداون و وەك چاودێرانیش ئەیڵێن ئەوە تەنیا مشتێكە لەخەروارێك، نەبنە جێ باس و خواسی خەڵكی. ڕەنگە كاك قادر عەزیزیش وەك هێندێكی تر بۆ پێگەی خۆی پێویستی بەوە بێت كە پڕوپاگەندەكانی هێندێ ناوەندی موخابەراتی بڵاو بكاتەوەو ریكلامی بۆ بكا، ئەگەر بۆ ئەومەبەستەیەتی با كەس گلەیی لێ نەكاو باخێرێكی بەر بكەوێ، بەڵام ئەو بەوەندە نەوەستاوەو بەبڕوا بەخۆبوونەوە ئەڵێ زۆر لە قسەكانی ئازاد جندیانی ناڕاستن. با لەبەر خاتری ئەو وای دابنێین ڕاست ئەكات ، بەڵام ئەی نابێ بە ڕاگوزەریش بێت ناڕاستیەكان (واتا درۆكان)ی دەست نیشان بكا؟ كام یەكێك لەو خاڵانەی ئازاد جندیانی باسی كردوون ڕاست نیە، با ئەو لوتف بكاو بە بەڵگەوە ناڕاستیەكان بۆ ((جەماوەری خۆی)) و بۆ ڕای گشتی ساغیان بكاتەوە . كاك قادر تازەكارەو بۆ خۆی واباشترە ئاگاداری لێدوانەكانی بێت و كورد وتەنی پێ لەتەختی چروك نەنێت و پێشی وانەبێ كە شەقامی یەكیەتی و ڕای گشتی ئەو شتانە نازانن، بەپێچەوانەوە هەموو ئەوشتانەو زۆر زۆرتر لەوەش ئەزانن و ئاگادارن و هەموو ئەو خاڵانە بونەتە باس وخواسی بەردەوامی كۆڕو كۆبوونەوە ئاساییەكانی خەڵك و میدیاو ناوڕیزەكانی یەكیەتیش.

9°C

New York

Showers

Humidity: 84%

Wind: 28.97 km/h

  • 18 Nov 2017 11°C 1°C
  • 19 Nov 2017 12°C 5°C